InicioSociedadeDescenden nun 85% as cabichas depositadas nas praias das Illas Cíes tras...

Descenden nun 85% as cabichas depositadas nas praias das Illas Cíes tras as campañas de concienciación

Cada unha delas tarda en descompoñerse entre oito e doce anos.

PUBLICADO O

As campañas de concienciación e o voluntariado ambiental logran reducir nun 85% o número de cabichas depositadas nos areais das illas Cíes, dunhas 50.000 unidades de residuos en 2010 a unhas 7.500 en 2018. Diso informou a Xunta nun comunicado no que indica que os datos foron recollidos polos responsables do campo de traballo ‘Cíes Workcamp’, organizado pola Consellería de Política Social en colaboración co Parque, durante os meses de verán.

Así mesmo, o Executivo galego fixo fincapé en que un cigarro está composto por “un material plástico que se obtén ao modificar a estrutura orixinal da celulosa” e que “tarda en descomporse entre oito e doce anos”. “É un desperdicio tóxico fotodegradable, pero non biodegradable, é dicir, aínda que o sol desfaga o filtro en pequenas fibras, o material nunca desaparece”, comentou.

Pola súa banda, o Parque Nacional das Illas Atlánticas é recoñecido polo Goberno galego como o “pioneiro” na loita contra a acumulación de cabichas nas praias, ademais de por o “impulso” das campañas de sensibilización ambiental dirixidas aos visitantes. Por iso, o punto de información das Cíes ten exposto un ‘colillómetro’ que contabiliza o número de cigarros atopados nas praias de Rodas, Figueiras e Nosa Señora.

En todo caso, estas iniciativas esténdense por diversos puntos das costas galegas como na Illa de Cortegada onde non só se recolleron restos de tabaco senón tamén lixo en termos xerais. Así, leváronse a cabo campañas de concienciación e de voluntariado para que os visitantes “non deixen restos” e “contribúan a manter e conservar a riqueza natural que enriquece este espazo”.

ÚLTIMAS

Encontrado o cadáver dunha muller dentro dun coche aparcado nun parking de Samil

O cadáver dunha muller foi achado dentro dun coche que estaba aparcado nun parking...

Decretan prisión para o recluso da Lama investigado pola morte da muller que apareceu no Porriño

A maxistrada do Xulgado de Instrución número 3 do Porriño decretou prisión provisional, comunicada...

Sae o vehículo número 16 millóns de Stellantis, un Fiat E-Dobló 100% eléctrico

Stellantis Vigo produciu este martes o seu vehículo número 16 millóns desde que a...

Expertos analizan no Porriño o “difícil” camiño das vacinas pendentes

A Asociación Nacional de Informadores da Saúde (ANIS), en colaboración con Zendal, organizaron no...