InicioSociedadeA Xunta destaca o investimento de 1,6 millóns en obras e reformas...

A Xunta destaca o investimento de 1,6 millóns en obras e reformas de centros educativos de Vigo

A delegada territorial da Xunta en Vigo, Corina Porro, anunciou a adxudicación e o inicio da rehabilitación integral do CEIP García Barbón, ademais de reformas noutros 15 colexios da cidade.

PUBLICADO O

- Advertisement -

A delegada territorial da Xunta en Vigo, Corina Porro, puxo en valor que, este ano, o Goberno galego destina máis de 1,6 millóns de euros a obras e reformas en 16 centros educativos da cidade olívica.

Así, anunciou a adxudicación e o inicio da rehabilitación integral do CEIP García Barbón, que tamén permitirán a mellora da súa eficiencia enerxética, por valor de máis de 752.000 euros e cuxo prazo de execución ascende a tres meses.

Nunha rolda de prensa celebrada este mércores en Vigo, Porro detallou que se acometerán nove actuacións no aulario dese centro e outros tres no seu ximnasio. Deste xeito, melloraranse o illamento e a permeabilidade ao aire do edificio central mediante a substitución da carpitería e a vidriería exterior e cambiarase a cuberta de tella por un panel de aceiro con illamento.

Nese sentido, indicou que se instalarán dúas caldeiras de biomasa, ademais de cambiar as luminarias por equipos LED. Respecto diso, o arquitecto xefe da Consellería de Educación, Universidade e Formación Profesional en Pontevedra, Rafael Bouzas, indicou que estas adaptarán a luz emitida á exterior e apagaranse automaticamente cando as aulas se atopen baleiras. Así, apuntou que se diminuirá a demanda enerxética do edificio, cuxas emisións anuais pasarán de 32,7 quilos de CO2 por metro cadrado a 7,9 grazas ás distintas actuacións.

Porro tamén avanzou que se instalarán unha rampla accesible e un ascensor eléctrico no edificio principal e que se substituirá a cuberta da pista deportiva, cuxo interior será illado. Estas instalacións tamén contarán con equipos LED.

ACTUACIÓNS EN CENTROS EDUCATIVOS

Tamén se finalizaron as obras realizadas no CEIP Ramón y Cajal, cuxo orzamento ascendeu a 18.000 euros, as do CEIP Vicente Risco, ás que se destinaron 45.000 euros, e as levadas a cabo no CEIP Párroco Don Camilo, cuxa investimento supuxo 60.000 euros.

As actuacións executadas no CEIP Otero Pedraio custaron 60.000 euros e as realizadas no IES Carlos Casares ascenderon a 33.313 euros. Ademais, atópanse en execución obras no CEIP Santa Mariña, cuxo custo suma 112.517 euros, e no CEIP San Salvador de Teis, ás que se destinan 120.605 euros.

A delegada territorial do Goberno galego avanzou que, nos próximos meses, realizaranse cambios de fontanaría por valor de 180.000 euros no CEIP Carballal Cabral, o CEIP Mosteiro Bembrive, o CEIP A Paz Tintureira, o CEIP O Pombal e o CEIP San Salvador de Teis.

Adicionalmente, sinalou que se procederá a realizar un cambio de cuberta no IES Politécnico, cuxo custo alcanza os 141.000 euros, e a reconstruír o muro do CEIP Lope de Vega, un investimento que ascende a 20.000 euros. Ademais, indicou que se destinarán 20.000 euros a uns novos aseos infantís no CEIP Josefa Alonso de Alonso.

Porro puxo en valor ademais que o orzamento investido na última década en centros educativos de Vigo por parte da Xunta ascendeu a 22 millóns de euros.

ÚLTIMAS

Rueda, preparado para negociar con Caballero

O desbloqueo da urbanización da ETEA, a reforma das pistas de Balaídos, ou a...

A concelleira de Urbanismo afea a “actitude” da Xunta a catro días da reunión de Rueda e Caballero

O goberno municipal de Vigo afeou este venres "o fondo e as formas" das declaracións da...

O PP de Vigo esixe a Caballero que garanta a seguridade en San Xoán ante a previsión de falta de bombeiros

O grupo municipal do PP no Concello de Vigo esixiu este venres ao alcalde, Abel Caballero,...

Falece un mozo en Vigo tras ter un accidente cunha carretilla elevadora

Un mozo de 24 anos de idade faleceu este xoves en Vigo tras sufrir...