O grupo municipal do PP reclamou este mércores que Vigozoo “se adapte e evolucione” para que sexa un parque “sustentable” e un referente desde o punto de vista didáctico-educativo e tamén un reclamo turístico na cidade olívica.

Nunha rolda de prensa, o portavoz municipal ‘popular’, Alfonso Marnotes, pediu que “se aproveite a oportunidade” de dotar ao único parque zoolóxico de Galicia dunha “folla de ruta” e un modelo que permita “aproveitar” as potencialidades das instalacións e do seu persoal de persoal.

Así, propuxo que esa folla de ruta contemple a creación dun grupo de traballo con representantes municipais, do ámbito científico e Universidade, e do sector hostaleiro e turístico. Na mesma liña, propuxo que Vigozoo estableza “alianzas” con outros parques similares.

“A piques de cumprir 50 anos, Vigozoo debe ser un sinal de identidade da cidade, non quedar nun letargo permanente. Ten que ser un recurso educativo, lúdico e turístico”, sinalou Alfonso Marnotes.