InicioMedio Ambiente e PatrimonioGreenpeace traslada o seu barco a Vilagarcía de Arousa ante a "hostilidade"...

Greenpeace traslada o seu barco a Vilagarcía de Arousa ante a “hostilidade” do presidente do Porto de Vigo

A ONG considera "desproporcionada" a reacción do presidente da Autoridade Portuaria, Enrique López Veiga.

PUBLICADO O

O buque ‘Rainbow Warrior’ de Greenpeace, que busca concienciar sobre o cambio climático, atracará o vindeiro mércores no porto de Vilagarcía de Arousa (Pontevedra), onde permanecerá ata o martes 30 de xullo, ante a “hostilidade” mostrada polo presidente da Autoridade Portuaria de Vigo, Enrique López Veiga, que a organización considerou “desproporcionada”.

Así se pronunciou a entidade ecoloxista despois de que López Veiga acusase a membros de Greenpeace de “desprestixiar” o sector pesqueiro galego con accións contra os seus buques.

A organización explicou que a localización facilitada pola Autoridade Portuaria non permitía a realización das actividades planificadas, entre as que se atopan un concerto, visitas guiadas polo barco e talleres para os cidadáns, así como reunións con representantes políticos.

O director da entidade en España, Mario Rodríguez Vargas, acusou a López Veiga de pór “todos os obstáculos ao seu alcance” para que Greenpeace non puidese realizar as actividades públicas previstas. Nese sentido, responsabilizouno de que “a cidadanía viguesa non poida recibir ao ‘Rainbow Warrior'”.

Máis información, en Galicia Confidencial.

ÚLTIMAS

Encontran o cadáver desmembrado dunha muller dentro dunha maleta nun solar de Vigo

Un home achou na tarde deste xoves un cadáver en avanzado estado de descomposición,...

Dúas persoas trasladadas ao hospital por un incendio nun edificio en Nigrán

Dúas persoas foron trasladadas, unha delas con queimaduras, tras producirse un incendio, que se...

A xestora do PP de Vigo promete unha “transición modélica” cun partido “unido”

A xunta xestora que asumirá as rendas do PP de Vigo tras a renuncia...

A Xunta destinará 1,8 millóns de fondos europeos facer do Mosteiro de Oia un gran establecemento turístico

Case dous millóns a facer do Mosteiro de Oia un gran establecemento turístico no Camiño...