InicioPolíticaCs pregunta ao Goberno central sobre o mantemento do paseo que se...

Cs pregunta ao Goberno central sobre o mantemento do paseo que se derrubou no Marisquiño

A formación laranxa reprobou que, a pesar de que o accidente se produciu o verán pasado, aínda non se reparou a zona, así como que a única actuación que tivo lugar consistise na colocación dunha rede e uns valos para previr caídas na contorna.

PUBLICADO O

- Advertisement -

As deputadas de Ciudadanos Marta Rivera e Beatriz Piñeiro rexistraron no Congreso dos Deputados senllas preguntas para que o Goberno central achegue información sobre o mantemento do paseo marítimo de Vigo que se derrubou en 2018 durante a celebración do Marisquiño e as medidas que adoptará para evitar que se produza outro suceso similar en Galicia.

Segundo recolle o escrito, as deputadas solicitaron información sobre as actuacións de conservación que levara a cabo o Executivo central antes do suceso, así como sobre a existencia dunha cooperación entre distintas administracións que permita a coordinación do mantemento deste tipo de infraestruturas.

Ademais, a formación laranxa demandou que o Goberno detalle que medidas lle solicitou a Xunta que realice tras o accidente. As deputadas galegas tamén instaron ao Goberno a concretar se existe algunha concesión sobre a zona e a que entidade corresponde o seu mantemento, así como a indicar se se revisaron os convenios similares para coñecer a que entidades corresponde a conservación deste tipo de infraestruturas.

Adicionalmente, insistiron na necesidade de coñecer as “esixencias” do Goberno en relación ao ditame da comisión de investigación iniciada no Parlamento de Galicia.

Nun comunicado, Ciudadanos xustificou o rexistro destas preguntas ante a “necesidade” de coñecer se o Goberno conta con “responsabilidades” en relación ao estado das infraestruturas. A formación laranxa tamén reprobou que, a pesar de que o accidente se produciu o verán pasado, aínda non se reparou a zona, así como que a única actuación que tivo lugar consistise na colocación dunha rede e uns valos para previr caídas na contorna.

ÚLTIMAS

O xulgado solicita á Policía Local información e documentos sobre o ‘Saltamontes’ no que morreu un mozo en 2024

O xulgado de instrución 3 de Vigo, que investiga o accidente sucedido en agosto do...

Stellantis Vigo volve apelar á “flexibilidade” e redución de custos ante a competencia “desapiadada”

O director de Stellantis Vigo, José Luís Alonso Mosquera, apelou este venres á "flexibilidade"...

O financiamento de ‘Peiraos do Solpor’ enfronta a Caballero e Autoridade Portuaria, que se piden mutuamente “lealdade institucional”

O alcalde de Vigo, Abel Caballero, arremeteu novamente este xoves contra o Porto olívico, ao que...

Carla Simón desenterra en Cannes os recordos dunha xeración “perdida” pola sida co filme ‘Romería’, rodada en Vigo

A cineasta Carla Simón desenterrou no Festival de Cannes os recordos da xeración dos...