Este domingo a praia viguesa de Samil acolleu nunha xornada solidaria por centos de persoas para apoiar a campaña de sensibilización social ‘Móllache pola Esclerose Múltiple’, acuñada en Galicia como ‘Móllate’.

Ás carpas da Asociación Viguesa de Esclerose Múltiple de Pontevedra (Avempo) achegáronse centenares de persoas para informarse ou colaborar a través de donativos ou a compra de ‘merchandasing’.

Durante todo o día celebráronse actividades acuáticas e dous “mergullos solidarios” co obxectivo de “visibilizar a Esclerose Múltiple e achegar á sociedade unha enfermidade neurológica” que afecta a máis de 3.000 persoas en Galicia e ao redor de 55.000 España, segundo informou a asociación a través dun comunicado.

Ao “mergullo solidario” da mañá acudiu o alcalde de Vigo, Abel Caballero, acompañado de decenas de persoas que se bañaron para mostrar o seu apoio aos afectados e ás súas familias.