Unha veciña de Vigo entregou á Policía Local un sobre con diñeiro que atopou cando practicaba unha actividade deportiva ao aire libre na cidade olívica.
Segundo informou a Policía Local, o pasado 7 de xullo unha veciña de Vigo de 47 anos cando realizaba unha actividade deportiva ao aire libre observou “algo tirado no chan” na zona do seu percorrido. “A sorpresa foi cando decidiu recollelo e comprobar que era un sobre en cuxo interior había unha suma de diñeiro”, relataron as mesmas fontes.
A muller chamou á Policía Local de Vigo para facer entrega deste sobre, “mostrando unha conduta do todo punto exemplar”, valoraron as mesmas fontes, que engadiron que se “están realizando xestións para a localización do propietario deste diñeiro” co fin de devolverllo.