‘Faro de Vigo’ implementou unha serie de cambios e melloras a súa edición dixital para os seus subscritores, sen publicidade e con novos contidos como informacións, reportaxes, entrevistas, análises e opinións sobre Galicia e o mundo. Uns contidos que serán de pago e só para subscriptores no chamado FdV+. Un sistema que, curiosamente, é moi semellante o posto en marcha xa hai dez anos por Galicia Confidencial, a través do GC+.

“Faro de Vigo modernizou o seu formato, no que supón un salto adiante nas relacións dun xornal cos seus lectores en Internet”, apunta a empresa editora.  Así mesmo, a compañía de medios destacou que esta renovación lle outorga un maior protagonismo ao móbil e ofrece aos lectores “o acceso aos máis modernos formatos de expresión dixital, no que os mellores textos e análises en profundidade combinaranse con gráficos interactivos, vídeos e fotos”.

Para mellorar o acceso aos contidos, tamén se renovou a visualización de noticias en portada, redeseñouse a newsletter diaria de noticias e mellorouse a App móbil tanto para Android como para iOs.

Finalmente, Prensa Ibérica anunciou unha promoción de lanzamento coa que se poderá acceder sen límites aos contidos exclusivos da edición dixital e a todos servizos adicionais por tres euros durante tres meses.