Un centenar de investigadores participan durante este martes e este mércores, 4 e 5 de xuño, en Vigo nun simposio internacional no que se debate sobre os enfoques cos que se abordan a monitorización e a avaliación de procesos bioxeoquímicos.

O International Estuarine Biogeochemistry Symposium celébrase así por primeira vez en España e está organizado polo polo Consello Superior de Investigacións Científicas (CSIC), segundo recolleu esta entidade nun comunicado.

O evento aborda como a presenza do ser humano nas zonas costeiras pode afectar ao papel ecolóxico que desempeñan estas grazas aos nutrientes e ao carbono orgánico que reciben. Así, búscase entender como se transforman as sustancias químicas e cal é o seu destino en sistemas nos que se producen procesos e declives antropoxénicos e naturais.

Durante o simposio os especialistas abordarán estudos relacionados coas fontes, o comportamento e o destino dos nutrientes, a materia orgánica e os contaminantes, entre outros. Así mesmo, celebrarase unha sesión sobre a presenza de microplásticos nos sistemas costeiros e o seu efecto en ciclos biogeoquímicos de nutrientes e elementos químicos.