InicioSociedadeO Sergas tenta frear os paros na Atención Primaria en Vigo coa...

O Sergas tenta frear os paros na Atención Primaria en Vigo coa compra de equipamento por case 580.000 euros

PUBLICADO O

- Advertisement -

O Servizo Galego de Saúde (Sergas) licitou a adquisición de equipamento para centros de Atención Primaria da área sanitaria viguesa por valor de case 580.000 euros, segundo comunicou este xoves a Consellería de Sanidade.

Esta achega prodúcese en pleno conflito entre a xerencia do Servizo Galego de Saúde e o persoal de Atención Primaria da área sanitaria de Vigo. Ante a falta de recursos humanos e técnicos, o que provoca unha peor prestación do servizo, os sanitarios decidiron facer varios paros nas últimas semanas. Os novos investimentos tentarían, dalgún xeito, frear as mobilizacións na Atención Primaria.

O expediente de licitación, publicado no perfil do contratante do Sergas, recolle a compra de 57 electrocardiógrafos por 234.000 euros; 50 desfibriladores por 272.000 euros; e 3 ecógrados por 72.600 euros.

Estas adquisicións forman parte das medidas comprometidas a curto prazo no marco do Plan de Atención Primaria 2019-2021 para a renovación de equipos e material de diagnóstico dos centros de saúde.

Os novos aparellos permitirán aumentar as prestacións de probas diagnósticas nos centros de saúde: os equipos de electrocardiografía permiten acceder directamente aos datos do electrocardiograma para facilitar diagnósticos máis precisos; e os desfibriladores están dotados de alta enerxía, adquisición de ECG a través de pas e de cable, e permiten rexistrar e almacenar os datos en modo manual e semiautomáatico.

Con respecto aos ecógrafos, a súa renovación posibilitará melloras en programas de saúde específicos como ecografía abdominal, urológica, xinecolóxica e de aorta e grandes vasos, evitando que o paciente teña que desprazarse á atención especializada.

ÚLTIMAS

Sogama acusa a Caballero de mentir sobre a subida do canon do lixo

O presidente de Sogama, Javier Domínguez Liño, acusou este luns ao alcalde de Vigo,...

O BNG esixe pór fin ao “descontrol” e á “barra libre” dos pisos turísticos en Vigo: “En 5 anos, pasaron de 400 a 2.400”

O BNG de Vigo esixiu ao goberno municipal e á Xunta de Galicia que poñan fin...

O embaixador de Perú rende homenaxe ás vítimas do Villa de Pitanxo no porto de Vigo

O embaixador de Perú en España, Luís Iberico Núñez, encabezou este domingo unha ofrenda...

Enfróntase a máis de 16 anos de cárcere acusado de violar e roubar a unha muller á de traballar dun hospital de Vigo

A sección quinta da Audiencia Provincial de Pontevedra, con sede en Vigo, xulgará o vindeiro...