InicioEconomíaPaso decisivo para a remodelación do Barrio do Cura

Paso decisivo para a remodelación do Barrio do Cura

PUBLICADO O

O Consello da Xerencia de Urbanismo do Concello de Vigo aprobará este xoves a modificación puntual do Plan Xeral que permitirá dar luz verde ao proxecto de urbanización e recuperación do Barrio do Cura.

Así o avanzou o alcalde e candidato á reelección, Abel Caballero, quen subliñou que Vigo levaba “25 anos esperando por isto” e que o trámite do xoves dará paso ás notificacións aos titulares catastrais, á elaboración de informes sectoriais e as obras de urbanización.

Nese ámbito, onde xa se iniciaron labores de derrubamento, reservarase un 30 por cento de edificación residencial para vivenda protexida, construirase unha gran praza pública de 5.000 metros cadrados, 4.000 metros cadrados de zonas verdes, equipamento sociocultural e 900 prazas de aparcadoiro para residentes do Casco Lanuxe.

Ademais, a recuperación do Barrio do Cura inclúe tamén a vertebración e comunicación coas rúas adxacentes, como Torrecedeira, Paseo de Alfonso ou Poboadores.

“De recuperar este ámbito falaron outros gobernos, pero é o meu o que o resolve”, proclamou Abel Caballero, quen tamén prometeu habilitar centos de prazas para os residentes nos aparcadoiros da contorna do centro histórico vigués, e crear novas prazas en Bouzas (cun aparcadoiro subterráneo na zona da Pérgola), Teis ou Florida.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...