O festival  Marisquiño contará na súa edición deste ano, que se celebrará en agosto, cunha aplicación para teléfonos móbiles que poderá guiar aos seus usuarios ata a saída de emerxencia máis próxima mediante un servizo de geolocalización.

Segundo informaron os organizadores do evento nun comunicado, esta ferramenta dixital incluirá planos interactivos do recinto nos que aparecerán reflectidos puntos de interese, como aseos, escaleiras, ascensores e saídas, e detallará como comportarse en casos de emerxencia.

A aplicación, denominada Misit Life, contará cun botón de auxilio a través do que os usuarios poderán avisar de calquera situación de emerxencia, como a detección do foco dun incendio, aos profesionais que estarán situados no centro de control que se habilitará no recinto.

Así mesmo, a aplicación móbil Misit Life permitirá a aqueles que a teñan instalada nos seus terminais recibir avisos procedentes do centro de control.