Os Bombeiros de Vigo colaboraron na tarde deste mércores no control dun escape de gas ocorrido no Porto da localidade e que, segundo informaron, non supuxo risco algún para a poboación.

O CIAE 112-Galicia explicou que foi un particular o que deu a voz de alarma na tarde deste mércores, informando dun posible escape de gas dun colector situado no Porto de Vigo, en Teis.

Os xestores de emerxencias avisaron entón aos bombeiros da cidade e aos responsables da Autoridade Portuaria, que comprobaron que se trataba dunha perda nun colector de dióxido de carbono, sen risco algún para a poboación.

Por precaución, os bombeiros permaneceron no lugar ata que a propia empresa resolveu unha avaría nunha válvula, que foi a causante do escape.