A deputada electa de En Común-Unidas Podemos pola provincia de Pontevedra, Yolanda Díaz, demandou ao Goberno central e á Xunta a súa implicación para garantir o mantemento dos empregos do persoal de Vulcano e o futuro do estaleiro.

Tal e como detallou a formación nun comunicado, Yolanda Díaz reivindicou que Vulcano, que entregará o ferri comprometido durante este mes á naviera Armas, é unha “icona de Vigo” e mostrou o seu apoio aos traballadores do sector naval en xeral.

Así mesmo, cualificou de “imprescindible” o compromiso da continuidade da actividade en Vulcano e do mantemento dos postos de traballo do persoal que non se poida acoller a un plan de xubilacións.

A deputada electa tamén apostou por unha participación activa dos poderes públicos para redefinir o modelo produtivo e para apostar por outros proxectos que poidan xerar emprego no Porto de Vigo.