A familia de Déborah, a moza viguesa aparecida morta hai 17 anos, organizou unha concentración na cidade con motivo do aniversario da súa desaparición e ante a proximidade da data para a prescrición do delito.
Déborah Fernández-Cervera desapareceu en 2002 aos 21 anos, despois de saír a correr pola zona de Samil en Vigo. O seu corpo foi atopado espido unha semana despois nunha cuneta no concello O Rosal, a uns 40 quilómetros de distancia.
A familia quere demostrar que a “inxustiza e desidia” cometida durante os últimos 10 anos de investigación do caso “non está a pasar inadvertida á sociedade” e que este “tipo de crimes non deben quedar impunes”.
O acto terá lugar o martes 30 de abril ás 20,00 horas na Porta do Sol, en Vigo, e contará coa colaboración de numerosos artistas que se sumaron a unha homenaxe que estará cheo de arte, poesía e música, “as paixóns de Déborah”, segundo asegurou nun comunicado a súa irmá Rosa.
Os organizadores do acto fan apelan a todas as persoas que queiran asistir á concentración leven margaridas, veas e unha camisa branca. Durante o evento, Powone USC, artista urbano vigués, pintará en directo un retrato de Deboráh ante o que, unha vez finalizado o acto, realizarase unha ofrenda floral con margaridas e veas.
Desde que a familia de Déborah anunciou a organización da homenaxe, sumáronse máis artistas, como Daniela DiCostas, unha moza cantante viguesa; Patricia Moon, cantante, compositora, violinista e pianista; Lorena Freijeiro, titulada en música tradicional e popular galega,; Carolina Gutiérrez, pianista ou Nuria Cora, cantante.
Tamén participarán as bandas viguesas Maldito Murphy e El Síndrome de Penny Lane, así como o produtor de música Jorge Cespedes e Mancloy, fillo de Camarón de la Isla. Ademais, na plataforma en liña de Change.org recolléronse máis de 220.000 sinaturas para que se reabra o caso de Déborah, que foi arquivado en 2010.
Pero desde ese ano “apareceron novos indicios que poderían dar unha volta á investigación”. A familia, xunto aos seus avogados e a UDEV de Madrid están a preparar a documentación necesaria para solicitar a reapertura, xa que sosteñen que “se produciron novos achados que poderían servir para abrir unha nova liña de investigación que permita esclarecer o que lle pasou á moza viguesa”.
