O Diario Oficial de Galicia (DOG) publica este xoves a aprobación inicial do proxecto de expropiación das parcelas afectadas pola construción dunha senda fluvial no río Lagares, e ábrese un prazo dun mes para que os propietarios poidan presentar alegacións.
Segundo lembrou en rolda de prensa o alcalde de Vigo, Abel Caballero, as expropiacións terán un custo de 428.000 euros e afectan a 96 parcelas lindeiras co río.
O Concello acondicionará unha senda fluvial ao longo de case 3,3 quilómetros, entre Manuel Álvarez e a Avenida de Madrid. Ese proxecto ten un investimento previsto de 785.000 euros.
Así, agora o Concello notificará individualmente aos propietarios afectados a tasación das súas leiras e ábrese un prazo dun mes para a presentación de alegacións.
