InicioSociedadeMarea ve "ridículo" pedir competencias sobre o Lagares porque xa hai responsabilidade...

Marea ve “ridículo” pedir competencias sobre o Lagares porque xa hai responsabilidade municipal

"O que o Concello ten que facer é abordar a situación de indixencia ecolóxica" na que está o río "para que deixe de ser unha cloaca que atravesa a cidade", esixiu Rubén Pérez, portavoz do partido en Vigo

PUBLICADO O

O grupo municipal Marea de Vigo ve “ridículo” que o alcalde insista en pedir competencias sobre o río Lagares alegando que a Xunta non o limpa. Lembrou que son os concellos os que teñen a obriga de limpar e manter en boas condicións as canles dos ríos ao seu paso por zonas urbanas.

Así o trasladou en rolda de prensa o portavoz do grupo, Rubén Pérez, quen subliñou que o goberno local debe “explicar para que quere” esas competencias sobre o río. Segundo incidiu, o Concello xa ten responsabilidades sobre o mantemento do Lagares e, ademais, as competencias están delimitadas no plan urbanístico vixente (a PXOM de 1993) e no plan de recuperación do río.

“O que o Concello ten que facer é abordar dunha vez a situación de indixencia ecolóxica na que está o Lagares desde hai anos”, subliñou Rubén Pérez, en referencia a un río do que se “esqueceron” diferentes gobernos municipais.

A ese respecto, lembrou que Marea de Vigo xa pediu que se actúe para protexer esa contorna fluvial e que se declare Espazo Natural de Interese Local (ENIL) non só a canle do río, senón tamén a súa desembocadura e as zonas próximas. Todo iso para que “o Lagares deixe de ser unha cloaca que atravesa a cidade”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...