A Asociación Veciñal de Teis esixiu ao Ministerio de Fomento a mellora dos pasos elevados da AP-9 que se atopan neste barrio vigués.

Nun comunicado, a entidade referiuse así á necesidade de mellora dos pasos que se atopan sobre os camiños da Trapa e A Xorxa. Ademais, demandou unha reunión coa Dirección Xeral de Estradas, dependente do Ministerio de Fomento, debido a que considerou que a Demarcación de Estradas do Estado en Galicia e a Subdelegación do Goberno na provincia de Pontevedra non achegaron “solucións” a esta situación.

Adicionalmente, a asociación veciñal criticou que este tema non se abordase na reunión mantida a semana pasada entre o alcalde, Abel Caballero, e o secretario xeral de Infraestruturas, Pedro Saura. Por iso, asegurou que existe unha “falta de interese” do goberno municipal a este respecto.

Así mesmo, lembrou que estes pasos elevados foron construídos fai case catro décadas e incidiu na súa importancia na comunicación do barrio, polo que reiterou a importancia do seu mantemento.