InicioSucesosDetidos en Vigo unha por roubar un bote de crema nunha farmacia

Detidos en Vigo unha por roubar un bote de crema nunha farmacia

PUBLICADO O

Unha muller de 42 anos, C.C.P., e un home de 40, R.J.G.P, foron detidos en Vigo despois de que a Policía Local fose contactada polo suposto furto dun bote de crema realizado nunha farmacia pola primeira que, ao parecer, ameazou e insultou a unha empregada do establecemento que lle esixiu a devolución do produto.

A detención tivo lugar este xoves, despois de que os axentes fosen comisionados ás 19,38 horas pola Central de Información e Mando por un requirimento de furto nunha farmacia da rúa Areal, segundo precisou o corpo de seguridade nun comunicado.

Unha vez no establecemento, o responsable trasladoulles que un home de 1,80 metros de estatura moreno e con entradas entrara acompañado dunha muller morena con coleta varias veces ao local durante varios días e que, tras revisar as gravacións de seguridade, comprobara que subtraeran varios produtos. Ademais, engadiu que “tiñan aspecto de toxicómanos”.

O responsable da farmacia asegurou tamén que este xoves unha empregada decatouse de que a muller furtara un bote de crema por valor de máis de 43 euros e púidoo recuperar. O xefe de tenda trasladou a maiores que, tras supostamente proferir insultos e ameazas contra a traballadora, a presunta autora do delito abandonara o local e dirixiuse cara á rúa García Barbón.

Finalmente, un dispositivo detivo á parella na rúa Isaac Peral e comprobou que o home, nacido en Reino Unido, conta con antecedentes policiais. Mentres, a muller, procedente de Pontevedra, consta como residente en Vigo. Así mesmo, o responsable do local anunciou que presentará unha denuncia unha vez realizado o inventario dos produtos subtraídos e achegará as gravacións de seguridade.

ATENCIÓN A UN MENOR

Por outra banda, a Policía Local atendeu este xoves a un menor de nacionalidade marroquí ao que trasladou ás 1,22 horas da madrugada ao centro tutelado no que residía.

Os axentes foran contactados para atender ao menor, que portaba un documento no que detallaba que non falaba español, que se perdeu e que buscaba o centro tutelado no que vivía. Aínda que non puideron contactar co número teléfono que el lles trasladou, si localizaron a súa residencia.

Unha vez trasladado ao menor, a educadora informou de que presentara unha denuncia pola súa desaparición, que tivera lugar o día anterior, e fíxose cargo del.

ÚLTIMAS

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno en Pontevedra, Abel Losada, trasladou este luns unha "mensaxe de tranquilidade" sobre...

A CEG aborda con Caballero as necesidades de transporte de Vigo e insiste en pedir que o tren chegue ao porto de Bouzas

O presidente da Confederación de Empresarios de Galicia (CEG), Juan Manuel Vieites, reuniuse este luns co...

Trasladan ao hospital a unha octoxenaria con problemas respiratorios tras un incendio no portal dun edificio en Gran Vía

Unha muller de 82 anos de idade foi trasladada ao Hospital Álvaro Cunqueiro de...