Facía tempo que non coincidían nun acto, e tan pouca distancia, o presidente da Xunta, Alberto Núñez Feijóo, e o alcalde de Vigo, Abel Caballero. E ese acto foi durante a presentación da estación intermodal da cidade olívica. Un encontro que foi tenso, pero cordialmente político.
Os dous dirixentes, a diferencia do que teñen acostumado, evitaron as críticas ou a confrontación e mesmo intercambiaron apretón de mans e algunha conversa, aínda que se palpaba a tensión.
De feito, Feijóo, durante a súa intervención, insistiu en que o proxecto se fai grazas ao compromiso da Xunta. Algo que quixo resaltar en varias ocasións. O rexedor evitou entrarlle ao trapo e mesmo soltou un “conselleira, presidente… Encántame”, que deixou descolocados os dirixentes populares.
Estas son as imaxes dese encontro:
