InicioVigo e contornaVigoLópez Font sobre as comparecencias do Concello na comisión do Marisquiño: "É...

López Font sobre as comparecencias do Concello na comisión do Marisquiño: “É evidente que gañamos”

O portavoz do goberno local afirmou que os representantes dos outros partidos estaban "rabiosos", porque as súas declaracións e as de Abel Caballero "desmontaron o que estiveron mantendo [esoutras forzas políticas] durante meses"

PUBLICADO O

- Advertisement -

O portavoz do goberno local de Vigo e concelleiro de Seguridade, Carlos López Font, asegurou que, na súa comparecencia e na do alcalde, Abel Caballero, ante a comisión parlamentaria que investiga o accidente de O Marisquiño, “quedou todo claro”: “É evidente que gañamos”.

Así o manifestou o edil socialista nunha rolda de prensa, na que recalcou que “quedou claro o que xa sabe toda a cidade, que o que se afundiu foi un peirao propiedade do Porto”. “Tamén quedou moi claro todo o que ten que ver coa autonomía local, que está recollida na Constitución e que hai que respectar”, engadiu.

Segundo o portavoz do goberno municipal, as formacións políticas que participan na comisión e, singularmente o PP, “buscaban unha escenificación” e “é evidente que, nese terreo, gañou este goberno, con toda a verdade”. “É evidente que gañamos, a verdade imperou onte”, insistiu.

López Font acusou eses partidos de pretender “gañar nunha cazaría política o que non gañaron nas urnas”. “Só había que ver as caras, eran tremendas, fóronse mudando”, incidiu, e afirmou que “foi produto do nerviosismo”. Segundo recalcou, “estaban rabiosos, porque o que se dixo (pola súa banda e por parte do alcalde na comisión) desmontou o que estiveron mantendo durante meses”.

ÚLTIMAS

Investigadas 10 persoas por un delito de falsidade documental en Pontevedra

A Garda Civil investiga a un total de 10 persoas como presuntos autores dun...

Arden cinco gabarras na zona industrial de Saxamonde en Redondela

Por fortuna, aínda que o lume estivo preto dunha nave industrial, esta non se...

Transportes prepara a licitación do tramo de AVE O Porriño-Tui e declara “prioritaria” a saída Sur de Vigo

O Ministerio de Transportes e Mobilidade Sustentable avanzou que está "a traballar na preparación...

A UVigo presenta o seu proxecto de metaverso para os seus tres campus

A Facultade de Comunicación do Campus de Pontevedra acolleu este martes a presentación do...