InicioVigo e contornaVigoPodemos Vigo acorda iniciar as negociacións para concorrer ás municipais coa Marea...

Podemos Vigo acorda iniciar as negociacións para concorrer ás municipais coa Marea da cidade

PUBLICADO O

- Advertisement -

A agrupación viguesa de Podemos acordou en asemblea iniciar as negociacións para aliarse con Marea de Vigo e concorrer conxuntamente ás eleccións municipais do 26 de maio, segundo comunicou a formación morada.

Con este acordo dáse un paso máis no proceso de preparación dos comicios, tras a elección, o pasado novembro, do profesor Xaquín Pastoriza como secretario xeral de Podemos Vigo. Desde entón, Podemos Vigo estivo desenvolvendo unha “rolda de contactos” con diversos colectivos sociais “coa finalidade de facer un mapeo das principais problemáticas que afectan á cidade“.

Na asemblea celebrada este luns, Pastoriza anunciou a “apertura inminente de conversacións” con Marea de Vigo, para expor “os termos do acordo marco” co que ambas as organizacións “teñen previsto concorrer conxuntamente ás eleccións municipais”. Un acordo que non se produciu na cita electoral de 2015, cando Podemos non se presentou como partido ás eleccións locais.

O pasado mes de novembro, Marea de Vigo proclamou a Rubén Pérez (que procede de Esquerda Unida), actual portavoz do grupo municipal, como candidato á alcaldía da cidade olívica, xa que foi o único aspirante no proceso de primarias.

ÚLTIMAS

O embaixador de Perú rende homenaxe ás vítimas do Villa de Pitanxo no porto de Vigo

O embaixador de Perú en España, Luís Iberico Núñez, encabezou este domingo unha ofrenda...

Enfróntase a máis de 16 anos de cárcere acusado de violar e roubar a unha muller á de traballar dun hospital de Vigo

A sección quinta da Audiencia Provincial de Pontevedra, con sede en Vigo, xulgará o vindeiro...

Os servizos emerxencias traballan na extinción dun incendio nun cortello da avenida Ricardo Mella

Os servizos de emerxencias traballan na extinción dun incendio declarado nun cortello da avenida...

Detido en Vigo un home por dous ataques consecutivos á Policía Local nun só día

Axentes da Policía Local de Vigo detiveron a un cidadán estranxeiro, A.M., de 30...