Un autobús urbano eléctrico percorrerá o tramo da liña C1 de Vigo entre Praza América e a rúa Policarpo Sanz entre o vindeiro martes, día 19, e o xoves, día 21.

O servizo será de carácter gratuíto durante estes días, nos que o autobús estará en probas, segundo detallou as consultora Torres e Carreira nun comunicado. O modelo, denominado Aptis e desenvolvido pola multinacional Alstom, funcionará mediante a compañía de transporte urbano Vitrasa.

Aptis, inspirado no deseño do tranvía, recibiu o premio á innovación na feira Busworld 2017 e é o primeiro autobús deseñado desde a súa orixe como un vehículo eléctrico. A superficie acristalada deste modelo é un 20 por cento maior á dos autobuses tradicionais e, ademais, conta cunha autonomía de 250 quilómetros e unha capacidade para 100 persoas.

Así mesmo, este vehículo conta cunhas rodas que minimizan un 25 por cento o radio de xiro, o que permite axilizar as manobras de estacionamento. A carga pódese realizar ao final de cada liña mediante un sistema de carga estática desde o chan ou durante a noite.