O Concello de Vigo demandará ao Ministerio de Defensa que manteña a sede do Instituto Social das Forzas Armadas (Isfas) na cidade, despois de que se coñecera que os exmilitares da zona pasarán a depender do centro de Pontevedra.
Nunha rolda de prensa que tivo lugar este venres en Vigo, Abel Caballero defendeu a importancia de manter as instalacións do Isfas na cidade para atender aos 4.000 exmilitares retirados que residen na zona.
En concreto, o Isfas é unha entidade dependente do Ministerio de Defensa que se encarga da xestión do Réxime Especial da Seguridade Social das Forzas Armadas e da Garda Civil.
Deste xeito, o rexedor vigués reiterou que, a pesar de que o número de persoas que dependen do centro de Pontevedra é maior, a cantidade de extraballadores que residen en Vigo e a súa contorna “xustifican” o mantemiento da sede da cidade. Por iso, lamentou que, se o Ministerio de Defensa non revoga a súa decisión, “4.000 persoas deberán ser atendidas desde Pontevedra”.
