InicioSociedadeNova detención por un presunto caso de violencia de xénero en Vigo

Nova detención por un presunto caso de violencia de xénero en Vigo

A vítima decidiu denuncialo logo de varios episodios de agresión. Desta volta, relatou que o seu home a zarandeara e lle pegara labazadas

PUBLICADO O

- Advertisement -

Axentes de Policía Nacional da Comisaría de Vigo detiveron un veciño da cidade, A.A.G.C., nacido en Perú e de 36 anos de idade, como presunto autor dun delito de violencia de xénero por agredir a súa parella.

Segundo informaron fontes policiais, os feitos ocorreron na noite do mércores, cando unha dotación do 091 se trasladou a un domicilio da rúa Torrecedeira, onde unha muller solicitaba presenza policial.

Unha vez alí, os axentes atoparon no portal do inmoble unha muller que levaba varias maletas, e que relatou que mantivera unha discusión coa súa parella. Segundo o seu testemuño, este zarandeáraa e pegáralle labazadas.

Dado que non era a primeira agresión deste tipo que sufría, a muller confirmou aos policías que decidira abandonar á súa parella e denuncialo. O sospeitoso foi localizado polos axentes nun bar próximo, onde foi detido.

ÚLTIMAS

Stellantis volverá parar parte da súa produción durante dúas quendas por falta de pezas

A fábrica viguesa do grupo automobilístico Stellantis volverá parar parte da súa produción durante a quenda...

Arrinca o festival TAC! de arquitectura coa presentación dunha gran batea en pleno centro de Vigo

A céntrica Porta do Sol de Vigo acolleu este xoves a presentación do pavillón...

Detido por ofertar contratos de traballo falsos a estranxeiros

A Policía Nacional detivo esta semana a un home, dedicado á repartición de mercadorías...

Stellantis Vigo condenada por vulnerar a “liberdade sindical” da CUT

O Tribunal Supremo inadmitiu o recurso de casación presentado por Stellantis Vigo e declarou...