Axentes da Policía Nacional da Comisaría de Vigo detiveron a dúas menores, de 17 anos de idade e veciñas da cidade, como presuntas autoras do furto de varios complementos e bixutería dunha tenda.
A intervención do 091 produciuse cando os vixiantes dunha tenda observaron, a través do circuíto de vídeo-seguridade, a dúas mozas que manipulaban as alarmas de varios produtos. As mozas desprazáronse a unha zona máis apartada da tenda para ocultar os obxectos entre as súas roupas.
Tras dar aviso á Policía, unha dotación presentouse no lugar a interceptou ás menores cando se dispuñan a saír do comercio sen pagar os artigos ocultos.
Os axentes atoparon os efectos furtados entre as súas roupas e trasladaron ás mozas á Comisaría, onde se comprobou que ningunha ten antecedentes. As dilixencias foron postas a disposición da Fiscalía de Menores de Pontevedra.
