O condutor dun ciclomotor resultou ferido de carácter grave nun accidente rexistrado na noite deste luns en Vigo ao chocar cun turismo.
Segundo informou a Policía Local, sobre as 21,20 horas deste luns tivo lugar un accidente de circulación na confluencia das rúas Marqués de Alcedo con Celso Emilio Ferreiro, no que se viron implicados un turismo e un ciclomotor.
Tras un “xiro indebido por un dos condutores“, indicou a Policía Local, produciuse unha colisión frontal entre ambos os vehículos. Como consecuencia resultou ferido grave o condutor do ciclomotor, de 56 anos de idade, trasladado nunha ambulancia ao Hospital Fátima.
