A Policía Nacional de Vigo detivo ao máis novo dos fillos de Manuel A.R., de 81 anos de idade, cuxo cadáver foi achado a menos dun quilómetro da súa casa na parroquia viguesa de Sárdoma o pasado día 7 “con signos de violencia”, segundo confirmaron fontes consultadas por Europa Press.

O máis novo dos cinco fillos da vítima reside nunha vivenda independente, pero na mesma leira que o seu pai, e foi detido no marco da investigación este xoves, cando unha dotación policial volveu tomar mostras na propiedade do octoxenario.

A Policía Nacional de Vigo trasladou este venres que o xulgado decretou secreto de sumario nesta causa desde o pasado xoves.