O pleno de Vigo deu luz verde este luns a unha moción socialista para que a Xunta de Galicia inicie os trámites para executar un novo encoro no río Oitavén, co obxectivo de garantir o abastecemento de auga ao sur da provincia de Pontevedra. A iniciativa, que contou cos votos en contra de PP e BNG, foi defendida polo concelleiro responsable de Fomento, Javier Pardo, quen indicou que a situación de prealerta deste mes de xullo “non é nova”, citando un estudo para a garantía de abastecemento que recolle a necesidade de mellorar as infraestruturas hidráulicas. Mesmo, segundo subliñou, fala da creación dunha nova presa no curso do Oitavén, antes de Eiras. Por iso, os socialistas con esta iniciativa buscan que o Goberno galego “asuma as súas obrigacións” e inicie os trámites oportunos “con condición de urxencia”.