Unha menor quedou inconsciente ao ser atropelada na Avenida Castelao de Vigo na madrugada deste mércores. Segundo informou o CIAE 112 Galicia, o accidente tivo lugar pasadas as 3,00 horas da madrugada, cando o alertante, outro menor que acompañaba á rapaza, avisou do accidente que se produciu á altura do número 38.

O vehículo implicado no atropelo pertencía a un taxista, tal e como trasladaron as persoas que contactaron co 112. Para atender á ferida, os xestores do CIAE 112 avisaron aos servizos de Urxencias Sanitarias de Galicia-061, así como aos axentes da Policía Local.