O presidente da Xunta de Galicia, Alfonso Rueda, e o conselleiro de Presidencia, Xustiza e Deportes, Diego Calvo, recibiron este luns ao Real Club Celta de Vigo Fortuna tras conseguir o seu ascenso a Segunda División. Nun comunicado, o Goberno galego indicou que a recepción tivo lugar no Pazo de Raxoi, en Santiago, pondo en valor o presidente este espazo como “o máis solemne” co que conta a Xunta, reservado “ás cousas ás que se lles quere dar máis relevancia”.

Rueda destacou que este ascenso foi froito do esforzo dos xogadores, do equipo técnico e da directiva durante toda a tempada, reivindicado a “aposta tan grande pola canteira”. Alfonso Rueda referiuse tamén ao “gran momento” que vive o fútbol galego e o deporte en xeral na Comunidade.