Un traballador de repartición faleceu este venres na Avenida de Ramón Neto de Vigo tras sufrir unha indisposición, segundo confirmou o CIAE 112 Galicia. A alerta chegou a Emerxencias sobre as 16.30 horas deste venres, cando un particular chamou ao 112 para informar da presenza dun repartidor tirado no chan, á altura do número 351 de Ramón Neto.

O alertante explicaba que o home estaba inconsciente e que non respondía. O 112 alertou a Urxencias Sanitarias-061, á Policía Local e á Policía Nacional. Cando os efectivos sanitarios chegaron á zona, atopáronse ao traballador, que sufrira unha indisposición, en situación de parada cardiorrespiratoria, pero as manobras de reanimación non deron resultando e acabou falecendo.