Dúas persoas tiveron que ser trasladadas na tarde deste martes por inhalación de fume tras arder unha campá extractora nun piso de Vigo, segundo informou o 112. Os servizos de emerxencias recibiron o aviso sobre as 15.00 horas, cando un particular alertou de que vía saír unha gran cantidade de fume pola xanela dunha vivenda situada na rúa López Moura.

Desde o centro de atención ás emerxencias deuse aviso inmediato aos bombeiros da cidade olívica, á Policía Nacional e a Urxencias Sanitarias-061. Unha vez no lugar, os efectivos de extinción lograron apagar as chamas con rapidez, confirmando que o lume afectara principalmente á campá extractora da cociña.

Como consecuencia do fume acumulado no inmoble, dúas persoas precisaron asistencia médica e foron trasladadas a un centro sanitario para ser tratadas por inhalación de gases