A Fundación Érguete-Integración incorporou ao seu padroado á maxistrada xubilada Dolores Galovart, Valedora da Cidadanía de Vigo, da que destacou a súa “sólida traxectoria na defensa das persoas máis vulnerables e na promoción dos dereitos da cidadanía“.

A Fundación destacou que a entrada de Galovar no padroado “vén reforzar o compromiso da Fundación coa defensa dos dereitos e a acción social transformadora, e supón un recoñecemento ao traballo desenvolvido pola entidade ao longo de máis de 26 anos acompañando a persoas en risco ou situación de exclusión nos seus procesos de mellora social, laboral e de vida”.

Así, a actual Valedora intégrase como vogal no órgano, que está presidido por Rubén Cagiao Avendaño e do que forman parte Manuel Cisneros Rodríguez (vicepresidente), Antía Cisneros Galovart (secretaria), Juan A. González Pérez (tesoureiro) e Carmen Avendaño Otero, presidenta de honra e fundadora da entidade en 1999.