A Xunta de Galicia, a Zona Franca de Vigo e o Concello olívico acordaron este xoves levar a cabo unha nova valoración das achegas de cada administración ao Instituto Feiral de Vigo (Ifevi) a través dunha sociedade de tasación homologada.Así o sinalou o conselleiro de Emprego, Comercio e Emigración, José González, á saída do seu encontro co delegado do Estado en Zona Franca, David Regades, e co alcalde, Abel Caballero.

Segundo el, tratouse dunha reunión “proveitosa” na que o tres administracións acordaron unha nova tasación do Ifevi, que encargará o propio ente. “Esperamos tela canto antes para seguir camiñando xuntos cara o obxectivo final que é a potenciación do Ifevi”, sentenciou González.

Todo iso despois de semanas de polémica nas que o rexedor esixiu unha nova tasación do Ifevi para valorar a canto ascenden as achegas de cada administración ao recinto feiral. A idea é que Zona Franca financie agora un novo pavillón e comece a formar parte do Padroado.