A VIII edición do Mercado MONA de Arte e Ilustración celebrarase este fin de semana nas instalacións do Centro Comercial Gran Vía de Vigo.
Desta maneira, a feira volverá á cidade entre este xoves, día 7 de agosto, e o sábado 9, entre as 11.30 e as 14.30 horas e as 16.00 e 21.00 horas, con “tres días cheos de inspiración e creatividade”.
Ilustración, cerámica, acuarela, manga, xoiaría elaborada a man, debuxo realista, roupa, pintura acrílica, láminas ou postais son algúns dos artigos que estarán dispoñibles no VIII edición de MONA.
Así, xoves acudirán ás súas casetas os artistas Strix Poison Path, Mourín. Design, Addicap 3D, Bluespectrum&Velvetdemon, O Encanto de Jenika, Mar. Jewelrin, Mami es Casa, Willdaborin, Tremelucir, Bite me Dog* (mórdeme can), Maruxiña Voavoa e Inspira Studio.
O venres será a quenda de Resinart3dgalicia, Pablo Carreiro, Jack Andriano, Julebv, Loki the Cat, Sergio Covelo, Luffho, Artista Efímera, Uralita Estudo, TZ Studio, Jose Francisco Perregil, Kiyulé Reciclaxe Téxtil e &nes Crochet.
Pola súa banda, sábado acudirán Alisa Proskura, Goishe, Tuuinx, Tamarindo Conde, Praga, Möka Galicia, O Taller Máxico, Thin & White, Sepia Art Shop, Larissa Lyra e Sapos e Culebras.
