A Comisión de Centro de Atención Primaria da área Sanitaria de Vigo presentou oficialmente á Xerencia as súas alegacións sobre o Plan Funcional do novo centro de saúde Olimpia Valencia da cidade olívica, solicitando que este ambulatorio se dote con prazas de nova creación e non a partir do peche doutras dúas instalacións (Nicolás Pena e López Mora).

Así llo trasladaron tras un encontro celebrado este pasado xoves, no que solicitaron que se manteña o uso actual do Nicolás Pena e que se ofreza o traslado voluntario ao persoal interesado dos centros limítrofes máis saturados ou con problemas de espazo.

Tamén rexeitaron a concentración da Pediatría en dito novo centro de saúde, ao considerar que suporía un cambio de modelo na Atención Primaria.

Agora, a Xerencia valorará estas alternativas, esperando os sanitarios que sexan tidas en conta, xa que supoñen “un menor impacto nas condicións laborais do persoal, permiten manter a estrutura actual da Atención Primaria e contribúen a mellorar realmente a calidade asistencial”.