Axentes da Policía Local de Vigo detiveron a un ciclista de 36 anos de idade, como presunto autor dun delito de resistencia e desobediencia, tras negarse a deterse cando así llo requiriu unha patrulla e tras negarse a realizar o test de drogas aínda que presentaba incidios de circular baixo os efectos dalgunha sustancia.

Segundo informaron fontes policiais, os feitos ocorreron na mañá do martes, cando unha dotación do 092 observou circulando a un ciclista pola rúa Severino Cobas facendo zigzag e conducindo dunha forma anómala. Ao facerlle indicacións para que se detivese, o home fixo caso omiso e emprendeu a fuxida, meténdose por unha pista estreita para que o vehículo policial non puidese seguilo. Tras dar aviso a outras patrullas, a Policía logrou interceptalo pouco despois.