O alcalde de Vigo, Abel Caballero, anunciou este venres que o Concello finalmente outorgou licenza á Xunta para a construción do novo instituto no barrio de Navia.

Nun audio difundido aos medios de comunicación, o rexedor dixo que o goberno local aprobou unha acción urbanística que supón un reparcelamento do polígono 2, necesaria para levar a cabo dita infraestrutura.

“Todo aquilo que tiña que facer o Concello xa está feito”, sinalou Caballero, indicando que agora é a Xunta quen ten que iniciar a obra.

Todo isto tras anos de demoras e leas entre ambas as administracións, acusándose mutuamente de atrasar os trámites necesarios para construír o instituto de Navia. Finalmente, este venres, o Concello deu ‘luz verde’ ás licenzas que se necesitaban.