A Garda Civil interceptou o pasado venres, día 11 de abril, en dous bares de Cangas a un menor facendo apostas deportivas e a outro con estupefacientes.

Todo iso ocorreu no medio de senllos dispositivos relacionados coa Seguridade Cidadá e Fiscal. Nun dos establecementos localizouse a un menor facendo apostas deportivas na máquina. Por iso, propúxose ao local para sanción administrativa da lei reguladora do xogo, así como ao menor identificado.

No segundo bar propúxose para sanción a cinco persoas, sendo unha delas menor de idade, pola tenencia ou consumo de sustancias estupefacientes en establecementos públicos. Tamén ao titular do local pola tolerancia desta acción dentro.