O alcalde de Vigo, Abel Caballero, indicou que o goberno local aprobou este venres a subvención para o festival do Marisquiño 2025, que nesta ocasión ascende a máis de 1,34 millóns de euros.

Nun audio difundido aos medios de comunicación, o rexedor puxo en valor a importancia deste evento, sendo “o certame de deportes urbanos modernos máis importante do mundo”, que reúne a preto de 150.000 persoas.

Caballero reivindicou que o Concello financia “practicamente a totalidade” do Marisquiño, aproveitando para dicir que era unha “penalidad” que a Deputación e a Xunta achegasen “cantidades ridículas de diñeiro que só puñan problemas”, ao seu xuízo.