InicioSucesosDetido un home por estafar firmando contratos de financiamento e venda mediante...

Detido un home por estafar firmando contratos de financiamento e venda mediante enganos en Vigo

Tal como informa a Policía Nacional, os feitos ocorreron a principios deste mes de novembro, cando unha muller denunciou ser vítima dunha estafa por parte dun home que se identificaba como comercial dun importante grupo editorial.

PUBLICADO O

- Advertisement -

Un home foi detido en Vigo como presunto autor dun delito de usurpación de estado civil e de estafa por asinar mediante enganos contratos de financiamento e venda.

Tal como informa a Policía Nacional, os feitos ocorreron a principios deste mes de novembro, cando unha muller denunciou ser vítima dunha estafa por parte dun home que se identificaba como comercial dun importante grupo editorial.

Segundo o seu relato, o agora detido contactou con ela vía telefónica, para posteriormente presentarse no seu domicilio coa escusa de actualizar as cotas dun contrato vinculado a unha compra realizada en anos anteriores. Ademais, para gañar a confianza da vítima, ofreceulle un agasallo pola fidelidade ao grupo editorial.

Así mesmo, no transcurso das conversacións, o comercial manipularía o teléfono da muller, momento no que aproveitaría para supostamente, e sen consentimento da vítima, realizar operacións no seu nome e validar un novo contrato.

Tras a denuncia, comezou a investigación policial, lograndose identificar e deter ao autor dos feitos.

A Policía sinalou que este tipo de accións coñécese como a Estafa do Financiamento de Enciclopedias. Nelas, as vítimas adoitan ser persoas que, polas súas circunstancias psicofísicas resultan especialmente vulnerables ante enganos, e que ademais adoitan vivir soas.

Unha vez localizadas as vítimas propicias, os estafadores preséntanse nas súas vivendas, sempre con boa aparencia e facendo gala de boa educación, ofrecéndolles agasallos e ofertas.

Tras horas de conversación gáñanse a súa confianza, utilizando agasallos como gancho, e fanlles asinar mediante engano outros contratos de financiamento, con condicións moito máis gravosas, ou levan a cabo de maneira fraudulenta novos contratos de venda dalgún produto que se descoñece, sen o seu coñecemento nin autorización.

ÚLTIMAS

A falta de visibilidade en Peinador obriga a regresar a Madrid a un avión con destino Vigo

A falta de visibilidade obrigou a regresar a Madrid ao piloto do voo de...

‘Romaría’: Carla Simón viaxa á ría de Vigo para reconstruír o pasado dos seus pais

A cidade de Vigo acolle este martes a preestrea do filme 'Romaría' (a estrea...

A Plataforma fronte á Masificación Turística pide unha moratoria de licenzas para VUT

A Plataforma fronte á Masificación Turística de Vigo e O Morrazo dirixiuse por carta...

O PP de Vigo pide a Caballero que deixe as “ambigüidades” sobre a biblioteca de Teis

O grupo municipal do PP no Concello de Vigo esixiu ao alcalde, Abel Caballero,...