O Xulgado do Penal número 2 de Vigo celebrou este xoves unha vista contra un acusado de masturbarse diante dunha menor en Vigo, pero o home non compareceu. Para el, Fiscalía solicita unha multa de 200 euros e o pago dunha indemnización á vítima de 350 euros, ademais dunha orde de afastamento sobre a moza de 300 metros durante dous anos.

A pesar de todo, o home non acudiu ao xulgado. Tras declaralo en rebeldía, a vista celebrouse igual coa presenza da menor e dos policías que a axudaron.

Segundo o escrito do Ministerio público, os feitos ocorreron o pasado mes de abril no barrio de Navia. Alí, mentres o home estaba nun escampado e a moza paseaba ao seu can, o acusado “guiado por un ánimo libidinoso e con propósito de obter unha satisfacción sexual, cando ela se atopaba mirando na súa dirección, exhibiulle o seu pene e comezou a masturbarse de modo que puidese velo”.