Unha persoa foi trasladada con queimaduras tras arder a campá extractora da súa vivenda situada na rúa de Urzáiz, en Vigo.

Segundo informou o 112, o suceso produciuse minutos despois das 16.00 horas deste xoves e foi o persoal de Urxencias Sanitarias de Galicia-061 o que deu a voz de alarma.

Ata o punto desprazáronse os Bombeiros de Vigo e o persoal sanitario que trasladaron á persoa ata o centro hospitalario de referencia.