A Policía Nacional detivo ‘in fraganti’ na madrugada deste pasado martes en Vigo a dous homes que entraran a roubar nun piso da zona das Travesas.

Foi unha testemuña o que alertou sobre as 04.00 horas ao escoitar ruídos nunha vivenda na que non debería haber ninguén ao atoparse os moradores noutra localidade.

Unha vez no punto, os axentes puideron comprobar que a porta da vivenda non presentaba a fechadura forzada, aínda que non estaba a chave pasada e había ruído dentro.

Ao constatar cos propietarios que dentro non debería haber ninguén, entraron na vivenda, atopándolla completamente revolta e os ladróns nunha das estancias.

Os homes levan consigo unha navalla multiusos, unha ganzúa e uns 600 euros en efectivo. Ambos foron detidos e pasaron este mércores a disposición do Xulgado de Instrución número 5 de Vigo. Na actualidade, continúanse as xestións para determinar a súa posible implicación noutros roubos.