O alcalde de Vigo, Abel Caballero, reuniuse este mércores co novo bispo de Tui-Vigo, Antonio José Valín, reafirmando o compromiso do Concello coa diocese.

Tal como informou o goberno local, trátase da primeira toma de contacto entre ambos e serviu para que o rexedor reiterase a súa vontade de colaborar e de que o Concello participe nos actos da cidade, como a procesión do Cristo da Vitoria, que terá lugar o domingo 4 de agosto, ou a de Semana Santa.

Tamén lle trasladou ao bispo que o goberno municipal manterá a súa cooperación no mantemento, conservación e restauración de bens e inmobles de titularidade eclesiástica.