InicioEconomíaConcentración de traballadores de Correos en Vigo para denunciar o déficit de...

Concentración de traballadores de Correos en Vigo para denunciar o déficit de persoal

CSIF advertiu de que a situación é "especialmente preocupante" en Vigo, onde máis dunha vintena de seccións urnanas e un terzo das seccións rurais "están a traballar con déficit de persoal" porque non se cobren as baixas

PUBLICADO O

- Advertisement -

Delegados sindicais concentráronse este martes en Vigo para denunciar o déficit de persoal en Correos, que afecta a case a metade das seccións, ao non cubrirse as baixas con novas contratacións.

O sindicato CSIF denunciou nun comunicado o “sobreesforzo” que implica esta situación para os traballadores de Correos, que dan servizo a unha cidade de 300.000 habitantes e que sofren unhas “pésimas condicións laborais”.

CSIF advertiu de que a situación é “especialmente preocupante” en Vigo, onde máis dunha vintena de seccións urnanas e un terzo das seccións rurais “están a traballar con déficit de persoal” porque non se cobren as baixas.

A portavoz do sindicato na provincia, Patricia Iglesias, advertiu de que a situación “é insustentable” para os empregados e tamén para os cidadáns, que “reciben un servizo máis deficiente”.

“Urxe que Correos asuma as súas responsabilidades e atenda as nosas reivindicacións, pola contra continuaremos coas medidas de presión”, subliñou.

Entre as medidas que reclama o sindicato está a solución a diversos problemas: vacacións e días libres “condicionados por falta de persoal de reforzo”, a contratación “baixo mínimos” de persoal eventual procedente de bolsas de emprego “a pesar de que as cargas de traballo aumentan”, restricións na entrega de uniformes, mantemento “moi deficiente” do parque móbil, ou subcontratas (de limpeza e seguridade) “á baixa”.

ÚLTIMAS

Abren dilixencias previas por verteduras da cidade deportiva do Celta tras denuncias ecoloxistas

O Xulgado de Instrución número 2 de Vigo notificou a Ecoloxistas en Acción a apertura de dilixencias previas...

Atopan unha nova alga moi invasora na ría de Vigo

O grupo de investigación BioCost, do Centro Interdisciplinar de Química e Bioloxía da Universidade...

As entradas para o concerto de Víctor Manuel en Castrelos saen á venda este venres

As entradas para o concerto que Víctor Manuel ofrecerá no auditorio de Castrelos de...

Revogado o Máster en Xestión do Desenvolvemento Sustentable da Uvigo

O Diario Oficial de Galicia (DOG) publicou este luns a orde coas revogacións dun...