InicioPolíticaA Xunta critica ao Concello de Vigo por non poñer buses lanzadeira...

A Xunta critica ao Concello de Vigo por non poñer buses lanzadeira a Lavacolla

Destaca a súa "resposta rápida" cun bus entre Vigo e Lavacolla e lamenta "falta de colaboración" de Aena.

PUBLICADO O

- Advertisement -

O conselleiro de Presidencia, Xustiza e Deportes, Diego Calvo, destacou este mércores a “resposta rápida” que facilitou o goberno galego para dar solución aos viaxeiros que non puideron utilizar este mes de maio o aeroporto de Peinador (pechado durante 25 días, ata este fin de semana, por obras na pista de aterraxe), coa posta en marcha dun servizo de bus entre Vigo e o aeroporto de Santiago, a pesar de que a competencia do transporte aéreo non é autonómica.

Así o trasladou, en resposta a unha pregunta do PP, no Pleno do Parlamento de Galicia, no que lembrou que a Xunta puxo en marcha este servizo o pasado 8 de maio, primeiro con 3 frecuencias diarias e logo con 5 frecuencias, e un total de 500 prazas diarias.

Respecto diso, lamentou que a Xunta non obtivo colaboración de Aena nin de ningunha outra administración, e lembrou que mesmo o goberno municipal de Vigo prometera lanzadeiras de bus pero, finalmente, non as puxo en marcha. “Botamos en falta colaboración para un problema que non creamos nós”, afirmou. Por outra banda, confirmou que o goberno galego non foi notificado sobre o inicio das obras, e tampouco ten noticias de Aena acerca da reapertura da terminal viguesa, prevista para este venres.

ÚLTIMAS

Investigadas 10 persoas por un delito de falsidade documental en Pontevedra

A Garda Civil investiga a un total de 10 persoas como presuntos autores dun...

Arden cinco gabarras na zona industrial de Saxamonde en Redondela

Por fortuna, aínda que o lume estivo preto dunha nave industrial, esta non se...

Transportes prepara a licitación do tramo de AVE O Porriño-Tui e declara “prioritaria” a saída Sur de Vigo

O Ministerio de Transportes e Mobilidade Sustentable avanzou que está "a traballar na preparación...

A UVigo presenta o seu proxecto de metaverso para os seus tres campus

A Facultade de Comunicación do Campus de Pontevedra acolleu este martes a presentación do...