InicioSociedadeCaballero afea que a Xunta non citou o AVE a Vigo na...

Caballero afea que a Xunta non citou o AVE a Vigo na súa carta a Puente

Advertiu de que o Goberno de España garante esa conexión "sen a ignominia e a humillación de ter que dar a volta por Santiago".

PUBLICADO O

- Advertisement -

O alcalde de Vigo, Abel Caballero, criticou este martes que a Xunta de Galicia deixou “fóra” da carta remitida ao ministro Óscar Puente a conexión de AVE directo entre Vigo e Madrid por Cerdedo, e advertiu de que o Goberno de España garante esa conexión “sen a ignominia e a humillación de ter que dar a volta por Santiago”.

Nunhas declaracións remitidas aos medios, o rexedor olívico subliñou que o goberno galego mantén “a súa oposición frontal” a que Vigo conte con esta conexión ferroviaria, xa que na súa carta fala das prioridades que ten Galicia “e non din nin unha palabra do Vigo-Ourense-Madrid por Cerdedo”.

Segundo rememorou Abel Caballero, “en 2002 foi Fraga, a partir de 2012 foron Rajoy, Feijóo e Ana Pastor, e agora Rueda” volve deixar “fose” o AVE directo a Vigo. “Porque queren que vaiamos por Santiago, dando unha volta de máis de tres cuartos de hora e atrasando máis de 100 quilómetros”, engadiu.

“Seguen coa inquina contra a cidade e, unha vez que Óscar Puente me dixo ‘adiante co AVE por Cerdedo’, vai a Xunta e non o coloca nas súas prioridades, á primeira cidade de Galicia, a maior xeradora de viaxes”, proclamou.

Con todo, o alcalde de Vigo advertiu ao goberno autonómico de que o seu é un “van empeño”, porque o Goberno de Pedro Sánchez “garante que Vigo terá AVE por Cerdedo, sen a ignominia e a humillación de ter que dar a volta por Santiago”.

ÚLTIMAS

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...

Restablecen a circulación na ponte de Rande logo dun accidente múltiple que provocou retencións

A circulación na ponte de Rande quedou restablecida despois de algo máis dunha hora...

O AVE Vigo – Porto tardará 50 minutos, pero non se sabe cando estará operativo

Portugal prevé que a conexión en tren de Vigo ao Porto sexa de 50 minutos...

A Xunta intervirá Ambulancias del Atlántico con tres técnicos de Tragsa e xestionará a entrega de nóminas

Os sindicatos CIG, CC.OO. e USO informaron, nun comunicado conxunto, do achegamento de posturas...