Efectivos do 061 trasladaron a un home que resultou ferido grave tras precipitarse desde un cuarto piso a un patio interior na rúa Álvaro Cunqueiro de Vigo, no momento en que lle notificaron a orde de desafiuzamento da súa vivenda.

Segundo informaron fontes do 112 Galicia, a alerta foi dada por un particular pasadas as 12,00 horas deste xoves, e pedía axuda para socorrer a un home que se precipitou desde unha xanela, no número 23 da rúa Álvaro Cunqueiro.

O CIAE 112 Galicia sinalou que, ademais dos efectivos sanitarios, acudiron ao lugar axentes da Policía Local e do servizo de bombeiros, que axudaron a evacuar ao ferido (que estaba nunha zona de difícil acceso) para o seu posterior traslado, en ambulancia de soporte vital avanzado, ao hospital Álvaro Cunqueiro da cidade.

Fontes consultadas por Europa Press confirmaron que o home estaba inmerso nun proceso de desafiuzamento e que o incidente tivo lugar no momento en que traballadores do Servizo de Notificacións e Embargos fóronlle a entregar a orde de desaloxo da vivenda.